2025 оны олон улсын үл хөдлөх хөрөнгийн зах зээлийн хандлага

Статистикийн үндэсний хорооноос гаргасан мэдээллээс харахад орон сууцны үнийн индекс 2025 оны 3-р сард өмнөх сараас 1.6%, өмнөх оны мөн үеэс 23.4%-иар өссөн байна

2025 оны олон улсын үл хөдлөх хөрөнгийн зах зээлийн хандлага

2025 онд дэлхийн үл хөдлөх хөрөнгийн зах зээлд дараах чиг хандлагууд ажиглагдаж байна:

Нийлүүлэлт багасч байна

Үл хөдлөх хөрөнгийн шинэ бүтээн байгуулалт эрс буурч, нийлүүлэлтийн хомсдол үүсч байна (www.us.jll.com).

1. АНУ-д оффисын барилгуудын шинэ бүтээн байгуулалт нь оргил үеийнхээсээ 73%-иар буурч, үйлдвэрлэлийн барилгуудын бүтээн байгуулалт нь 56%-иар буурах төлөвтэй байна.
2. Европт оффисын барилгуудын шинэ бүтээн байгуулалт 30%-иар буурах хандлагатай байгаа бөгөөд Лондон, Мадрид, Варшава зэрэг хотуудад илүү мэдрэгдэж байна. 

Үл хөдлөх хөрөнгийн зах зээлийн сэргэлт

Үл хөдлөх хөрөнгийн арилжааны зорилготой худалдан авалтын гүйлгээ зах зээлд илүү их хийгдэж, хөрөнгө оруулагчдын сэтгэл ханамж сайжирч байна. Эдийн засгийн өсөлт, салбарын суурь хүчин зүйлс нь энэхүү сэргэлтийг 2025 онд үргэлжлүүлэх нөхцлийг бий болгож байна (www.us.jll.com).

АНУ-ын орон сууцны зах зээлийн төлөв

АНУ-ын орон сууцны үнэ 2025 онд 3%-иар өсөх төлөвтэй байна. Өндөр болон урт хугацаатай зээлийн хүү орон сууцны зах зээлд хүндрэл үүсэхийг илэрхийлж байгаа бөгөөд орон сууц худалдан авах чадвар болон зах зээлийн идэвхид нөлөөлөх магадлалтай байна (www.jpmorgan.com).

Хөрөнгө оруулалтын чиг хандлагууд

Хөрөнгө оруулагчид зочид буудал, орон сууцны хөгжүүлэлт, оюутны байр, дата төв зэрэг салбарт төвлөрч байна. Логистик, эрүүл мэндийн салбарууд нь мөн томоохон өсөлттэй байх төлөвтэй. Харин оффисын барилгууд нь эдийн засгийн тодорхойгүй байдлын улмаас хөрөнгө оруулалтын хувьд эрсдэлтэй байхаар байна (cincodias.elpais.com).

Зах зээлийн хөрвөх чадвар

Бодлогын хүүгийн бууралтаар зах зээлийн хөрвөх чадвар сайжирч, худалдан авагч, худалдагч нар үнэ тохирч, үр ашигтай харилцаа тогтоох боломжтой болж байна. Энэ хандлага нь 2025 онд үргэлжилнэ гэсэн давамгайлж байна (www.msci.com).

Технологийн нөлөө

Блокчейн технологи нь үл хөдлөх хөрөнгийн салбарт шинэ боломжуудыг нээж, хөрөнгө оруулагчдад хамтын санхүүжилтийн хэлбэрээр хөрөнгө оруулах боломжийг олгож байна. Ингэснээр томоохон үл хөдлөх хөрөнгийг бүхэлд нь худалдаж авахгүйгээр хөрөнгө оруулах боломж нэмэгдэж, зах зээлийн төвлөрлийг бууруулах магадлалтай (www.unread.today). 

Байгаль орчинд ээлтэй шийдлүүд

Уур амьсгалын өөрчлөлт, нүүрсхүчлийн хийн ялгаруулалтыг бууруулах зорилгоор 'ESG' (Environmental, Social, Governance) стандартыг үл хөдлөх хөрөнгийн салбарт өндөр шаардлагатайгаар мөрдүүлж эхэлжээ. Мөн цахилгаан ашиглалтыг бууруулах зорилгоор оффисийн талбайн хэмжээг багасгах хандлага нэмэгдэж байна (www.unread.today). 

Ерөнхийдөө, 2025 онд дэлхийн үл хөдлөх хөрөнгийн зах зээлд нийлүүлэлтийн хомсдол, хөрөнгө оруулалтын чиг хандлагын өөрчлөлт, арилжааны үл хөдлөх хөрөнгийн сэргэлт зэрэг онцлогуудыг дурдаж болохоор байна. 

Монгол Улсын зах зээл

Монгол Улсын Засгийн газар 2025 онд ипотекийн зээлийн хүүг бууруулах, орон сууцны хангамжийг нэмэгдүүлэх зэрэг арга хэмжээг авч хэрэгжүүлэхээр төлөвлөж байна. Мөн Улаанбаатар хотод орон сууцны үнэ өсөх хандлагатай байгаа нь зах зээлийн эрэлт өндөр байгааг, эрэлтийг дэмжсэн бодлогыг Засгийн газраас дэмжиж байгааг харуулж байгаа ба нөгөө талдаа инфляц мөнгөний нийлүүлэлт их байгаагаас өндөр байгааг мартаж болохгүй. 

Эдгээр чиг хандлагууд нь дэлхийн болон Монголын үл хөдлөх хөрөнгийн зах зээлд шинэ боломжуудыг нээж, хөрөнгө оруулагчдад шинэ эрсдэл, боломжуудыг бий болгож байна.

Мэдээ бэлтгэсэн: Б.Галмандах

Дүүргүүдийн хуучин орон сууцны үнэ өсөлтийн онцлог

Хотын зургаан дүүрэгт хуучин орон сууцны 1 м²-ын дундаж үнийн өөрчлөлтийг дүүрэг бүрт өсөлтийн хандлагатай байгаа ба дараах онцлох зүйлс ажиглагдаж байна.

1. Хамгийн өндөр үнэтэй дүүрэг – Сүхбаатар (улбар шар шугам)
   Эхний саруудад 1 м²-ын үнэ 4.07 сая төгрөг байсан.
   Сүүлийн сард 5.82 сая төгрөг хүрсэн бөгөөд энэ нь бүх дүүргүүдийн хамгийн өндөр үнэ юм.
   Үнийн огцом өсөлт: Сүүлийн 24 сарын хугацаанд 13-14 дэх сарын үед (4.21 → 4.31 сая) болон 21-22 дахь сарын үед (4.91 → 5.14 сая) үсрэлттэй өссөн байна.
   
   
2. Хан-Уул ддүрэг хоёрдугаарт орж байна – Хан-Уул (ногоон шугам)
   Хугацааны эхэнд буюу 2023 оны 1 сард 3.67 сая төгрөг.
   2025 оны 1 сард 4.71 сая төгрөг болж өссөн байна.
   Үнийн тогтвортой өсөлт ажиглагдсан бөгөөд бусад дүүрэгтэй харьцуулахад хурдацтай өсөөгүй ч нийт дүнгээрээ өндөр үнэтэй хэвээр байна.
   
   
3. Чингэлтэй дүүрэг – (цэнхэр шугам)
   Эхний үнэ 3.63 сая төгрөг.
   Сүүлийн үнэ 4.74 сая төгрөг болж өссөн.
   Тогтвортой өсөлт ажиглагдаж байгаа бөгөөд Хан-Уул дүүрэгтэй төстэй хандлагатай байна.
   
   
4. Баянгол дүүрэг – (улаан шугам)
   Эхний саруудад 2.93 сая төгрөгөөс эхэлсэн.
   2025 оны 1 сард 3.84 сая төгрөг болж өссөн.
   Өсөлтийн хурдац дунд зэрэг бөгөөд Баянзүрх болон Сонгинохайрхан дүүргээс өндөр үнэтэй байна.
   
   
5. Баянзүрх дүүрэг – (хөх шугам)
   Эхэндээ 3.05 сая төгрөг байсан.
   Сүүлийн сард 4.03 сая төгрөг хүрсэн.
   Тогтвортой өсөлттэй, дундаж түвшний үнэтэй дүүрэг гэж үзэж болно. 
   
   
6. Хамгийн хямд дүүрэг – Сонгинохайрхан (ягаан шугам)
   Эхний үнэ 2.62 сая төгрөг.
   2025 оны 1 сард 2.99 сая төгрөг болсон.
   Үнийн өсөлт харьцангуй бага байгаа бөгөөд бусад дүүрэгтэй харьцуулахад хамгийн хямд үнэтэй хэвээр байна.

 Дүгнэлт:

1. Сүхбаатар дүүрэг хамгийн өндөр үнэтэй бөгөөд үнийн өсөлт хамгийн хурдацтай байна.
2. Хан-Уул, Чингэлтэй дүүргүүд дээгүүр үнэлгээтэй бөгөөд тогтвортой өсөлттэй
3. Баянгол, Баянзүрх дүүргүүд дундаж үнэтэй.
4. Сонгинохайрхан дүүрэг хамгийн хямд үнэтэй хэвээр байгаа бөгөөд үнийн өсөлт хамгийн бага байна.

Цаашид орон сууцны үнийн өсөлт нь тухайн дүүрэгт шинэ бүтээн байгуулалт, инфляци, зээлийн нөхцөл зэрэг олон хүчин зүйлээс хамаарч өөрчлөгдөх боломжтой ч 24 сарын үнийн ерөнхй хандлагыг харахад өсөх төлөвтэй байна.

Мэдээ бэлтгэсэн: Б.Галмандах

Хуучин орон сууцны үнэ өссөөр байна

Хуучин орон сууцны 1 м²-ын дундаж үнэ сүүлийн жилүүүдэд тогтмол өссөөр байгаа нь Статистикийн үндэсний хорооны статистик мэдээллээс харагдаж байна.

1. Үнийн өсөлтийн хандлага: Графикаас харахад хуучин орон сууцны 1 м²-ын үнэ тогтвортой өсөх хандлагатай байна. Эхний саруудад үнэ 3.3 – 3.4 сая төгрөгийн хооронд байсан бол сүүлдээ 4.42 сая төгрөг хүрсэн байна.
2. Тогтвортой өсөлт: Үнийн өсөлт аажмаар явагдаж, зарим саруудад бага зэрэг хэлбэлзсэн боловч нийт дүнгээрээ тогтвортой өссөн байна.
3. Огцом өсөлтийн үе: Сүүлийн 24 сарын үнийн мэдээнээс харахад 13-14 дэх сарын үед (ойролцоогоор 3.79-3.81 сая төгрөг) болон 21-22 дахь сарын үед (4.02-4.16 сая төгрөг) үнэ харьцангуй огцом өссөн байна. Энэ нь тухайн үед орон сууцны зах зээлд нөлөөлөх тодорхой хүчин зүйлс (жишээлбэл, эрэлт өсөх, барилгын материалын үнэ нэмэгдэх, зээлийн нөхцөл өөрчлөгдөх гэх мэт) үүссэнтэй холбоотой байж болох юм.
4. Хамгийн өндөр үнэ: 25 дахь сард буюу 2025 оны 1 сард 1 м²-ын үнэ 4.42 сая төгрөг болж өссөн байна.

Дүгнэлт: Хуучин орон сууцны 1 м²-ын үнэ тогтвортой өсөх хандлагатай байгаа бөгөөд үнийн өсөлт зах зээлийн эрэлт, нийлүүлэлт, макро эдийн засгийн нөхцөл байдлаас хамаарч байгаа бололтой. Цаашид энэхүү өсөлт үргэлжлэх эсэх нь тухайн үеийн эдийн засгийн байдал, орон сууцны зах зээлийн эрэлт, санхүүгийн бодлогоос хамаарна.

Мэдээ бэлтгэсэн: Б.Галмандах

Сонирхсон зараа зэрэгцүүлэн харьцуулан харахыг хүсвэл ehurungu системийн Харьцуулах цэсийг ашиглахыг зөвлөж байна

ehurungu системээс иргэн та сонирхсон 5 зараа зах зээлийн харьцуулалтын цонхыг ашиглан дараах байдлаар харьцуулан үзэх боломжтой.

Илүү дэлгэрэнгүй мэдээллээр сонирхсон зарыг харьцуулан харахыг хүсвэл агент цонхноос манай туршлагатай агентуудтай холбогдож аваарай. Таньд үнэ, үнийн өсөлт, байршил, орчин, нөхцөл зэрэг олон мэдээллийг туршлагатай, мэргэшсэн агентууд өгөх болно.

Эх сурвалж: https://www.ehurungu.mn/agents
Мэдээ бэлтгэсэн: Б.Галмандах

Шинэ орон сууцны дундаж үнэ өссөөр байгаа ч сүүлийн 1 сард буурсан байна

Статистикийн үндэсний хорооноос мэдээлж байгаагаар Улаанбаатар хотын дүүргүүдийн шинэ орон сууцны метр квадратын дундаж үнэ 2025 оны 1 сарын байдлаар 3.9 сая төгрөг байгаа ба 2024 оны 10 сард 4.57 сая төгрөг, 11 сард 4.68 сая төгрөг, 12 сард 4.65 сая төгрөг байсан ба үнэ өмнөх гурван сараас буурсан байгаа нь харагдаж байна. Сүүлийн 24 сарын байдлыг авч үзвэл Улаанбаатар хотын шинэ орон сууцны метр квадратын дундаж үнэ өссөн байна.

Гол онцлох зүйлс:

• Үнийн ерөнхий өсөлт: Ихэнх дүүргүүдийн хувьд орон сууцны дундаж үнэ тогтвортой өссөн байна. Ялангуяа 2024 оны дунд үеэс эхлэн илүү мэдэгдэхүйц өсөлт үзүүлжээ.
• Хамгийн өндөр үнэ: Сүхбаатар дүүргийн шинэ орон сууцны үнэ хамгийн өндөр түвшинд хүрсэн бөгөөд 2024 оны сүүлээс огцом өсөлттэй байна.
• Хамгийн бага үнэ: Сонгинохайрхан дүүрэг нь бусад дүүргүүдтэй харьцуулахад хамгийн доод үнэтэй байсан бөгөөд бага зэрэг өссөн ч ерөнхийдөө тогтвортой түвшинд байна.
• Баянгол, Баянзүрх, Хан-Уул: Эдгээр дүүргүүдийн үнэ ойролцоо түвшинд хэлбэлзэж, 2024 оны сүүлчээр бага зэрэг өсөлт үзүүлсэн.
• Чингэлтэй дүүрэг: Энэ дүүргийн үнэ дунджаас арай доогуур байгаа ч тогтвортой өссөн байна.
• Дундаж үнэ: Хөх өнгөөр тэмдэглэгдсэн дундаж утга нь бүх дүүргийн нийлбэр дундаж үнийг илэрхийлж байгаа бөгөөд бага багаар өссөн чиг хандлагатай байна.

Графикаас харахад 2024 оны сүүлээс эхлэн орон сууцны үнийн огцом өсөлт ажиглагдаж байгаа нь зах зээлийн эрэлт нэмэгдэж, эдийн засгийн нөлөөтэй холбоотой байж болох юм.

Эх сурвалж: Статистикийн үндэсний хороо
Мэдээ бэлтгэсэн: Б.Галмандах

Иргэн та Үл хөдлөх хөрөнгө (ҮХХ) худалдан авахдаа дараах зүйлсийг анхаарахыг зөвлөмж болгож байна

Ихэнх хүмүүс амьдралдаа 2-3 удаа байр худалдан авдаг гэх судалгаа бий. Гэвч монголчуудын хувьд энэ тоо харьцангуй их, зарим нь олон удаа байраа солих хэрэг гардаг. Үүний гол шалтгаан нь анх худалдан авахдаа хангалттай судалгаа хийгээгүйтэй холбоотой байдаг.
Тиймээс ҮХХ худалдан авахдаа дараах зүйлийг сайтар анхаарч үзээрэй.

1. Хөрөнгийн үнэ
   ҮХХ-ийн үнэ бодитой эсэхийг судал:
   ✅ Зах зээлийн судалгаа – ижил төстэй байруудын үнийн мэдээллийг харьцуулах (Хэрвээ та үл хөдлөх хөрөнгөө харьцуулан судлахыг хүсвэл манай сайтын Харьцуулах гэдэг товчыг ашиглан судлаарай. Дэлгэрэнгүй мэдээлэл хэрэгэтэй бол туршлагатай агентуудыг Агент цэснээс олж, мэдээлэл аваарай)
   ✅ Төлбөрийн нөхцөл – бэлэн мөнгөөр, лизингээр, бартер хийх зэрэг олон нөхцөл байдгийг анхаарах


2. Байршил
   Байршил бол хамгийн чухал. Байршил сайтай байр үнэ цэнээ алдахгүй хөрөнгө болж үлддэг. Байршлыг тодорхойлох гол үзүүлэлтүүд:
   ✅ Сургууль, цэцэрлэгийн ойр байдал – хүүхдээ ойр сургуульд явуулах нь цаг, мөнгө хэмнэнэ.
   ✅ Үйлчилгээний байгууллагуудтай ойр байх – дэлгүүр, эмийн сан, фитнесс, банк, эмнэлэг зэрэг хэрэгцээт газрууд ойр бол амьдралын тав тух нэмэгдэнэ.
   ✅ Орчны амьдралын түвшин – тухайн байршлын оршин суугчдын амьжиргааны түвшин, аюулгүй байдал, ҮХХ-ийн ашиглалтын зардал зэрэг хүчин зүйлсийг судлах.
   ✅ Ногоон байгууламж, амралтын бүс – цэцэрлэгт хүрээлэн, уул, гол мөрөн ойр бол үнэ цэн өснө.
   
   
3. Орчин
   Тайван, аюулгүй хөрштэй байх нь амьдралын чанарт шууд нөлөөлнө. Худалдан авахаасаа өмнө:
   ✅ Өөр өөр цагуудад байрны орчинд очиж үзэх
   ✅ Хөршүүдтэй танилцаж, ямар хүмүүс амьдардагийг судлах
   ✅ Эргэн тойронд нь үйлдвэр, баар, шөнийн клуб, хорт утаа гаргадаг үйлдвэр байгаа эсэхийг нягтлах
   ✅ Камержуулалт, аюулгүй байдлын систем
   ✅ Хүүхдийн тоглоомын талбай, ногоон байгууламж
   ✅ Машины хангалттай зогсоол
   ✅ Спортын талбай, гүйх, алхах зам
   
   
4. Гол зам орчн дэд бүтэц
   ✅ Замын орц, гарц – түгжрэлд хэр их өртөхийг тооцоол
   ✅ Усны хангамж – гүний худагтай эсвэл төвийн системд холбогдсон эсэх
   ✅ Халаалт, бохирын шийдэл – өвөл даардаггүй, бохирын асуудалгүй эсэхийг шалгах
   ✅ Зогсоол, гэрэлтүүлэг – машины зогсоол хангалттай байх нь чухал
   
   
5. Барилгын чанар,хийцлэл
   ҮХХ-ийн барилгын чанарыг шалгах нь маш чухал. Анхаарах зүйлс:
   🔸 Барьсан компани, барилгын хийц – нэр хүндтэй, чанартай барилга барьдаг компаниас сонгох
   🔸 Хэрэглэсэн барилгын материал – хорт бодис агуулсан эсэх, удаан эдэлгээтэй эсэх
   🔸 Ус, сантехник – усны даралт, зэвтэй ус гардаг эсэх
   🔸 Дотоод орчны агаарын чанар – агааржуулалт сайн эсэх, хөгц мөөгөнцөр үүсэх эрсдэлгүй байх
   
   
6. Дотоод зохион байгуулалт
   ✅ Өрөөний зохион байгуулалт – ашиггүй, хэт том хонгилгүй, зөв зохион байгуулалттай байх
   ✅ Цонхны байрлал – салхивч сайтай, өрөөнүүд нарны гэрэл авах боломжтой байх
   ✅ Давхар, оршин суугчдын тоо – дунд эсвэл дээгүүр давхарт байх нь агаарын бохирдлоос хол, аюулгүй байдлаараа давуу талтай

Дүгнэлт: ҮХХ худалдан авах нь томоохон шийдвэр учраас дээрх бүх хүчин зүйлсийг нарийн судалж, өөрийн хэрэгцээ, боломжид нийцүүлэн сонголтоо хийгээрэй! 😊

Ипотекийн зээлийн журам шинэчлэгдлээ

Монгол банкны ерөнхийлөгчийн мэдээлснээр ипотекийн зээлийн хүү 6-14 хувийн хооронд байх шинэ журам батлагджээ. Зээлийн хүү нь тухайн орон сууцын байршил, талбайн хэмжээнээс хамааран тогтоогдох бөгөөд хотын төвд байрлалтай байшин, орон сууцны хүү өндөр байх бол захын болон алслагдсан хороололд 6 хувь хүртэл буурах зохицуулалттай байна. 

Төв банк энэ журмыг арилжааны банкуудад хүргүүлж, одоогоор судалгаа хийгдэж байна. Засгийн газраас зорилтот бүлгийн иргэдийг орон сууцжуулах, амины орон сууцанд ипотекийн зээл олгох бодлого баримталж байгаа бөгөөд ногоон амины орон сууцны төслүүдийг ипотекийн зээлд хамруулах шийдвэр гаргажээ.

Ипотекийн зээлийн санхүүжилтийн хувьд өнгөрсөн жил 1.3 их наяд төгрөгийн санхүүжилт хуваарилагдсан бол энэ онд мөн ижил хэмжээний санхүүжилт олгохоор төлөвлөж байна. Үүний 500 тэрбум төгрөгийг Хуримтлалын сангаас, 800 орчим тэрбум төгрөгийг Төв банк болон арилжааны банкуудаас гаргахаар тооцжээ.

“ehurungu” Монголын үл хөдлөх хөрөнгийн зах зээлийн нэгдсэн системийг албан ёсоор хэрэглээнд нэвтрүүллээ

“ehurungu” Монголын үл хөдлөх хөрөнгийн зах зээлийн нэгдсэн системийг албан ёсоор хэрэглээнд нэвтрүүллээ. “ehurungu” Монголын үл хөдлөх хөрөнгийн зах зээлийн нэгдсэн системийг ANR - Үл хөдлөх хөрөнгө зуучлагчдын нэгдсэн холбоо хамтран хөгжүүлж, албан ёсоор үйл ажиллагаанд нэвтрүүлээд байна. Энэхүү систем нь үндсэн гурван дэд системээс бүрдэх ба үүнд

1. www.admin.ehurungu.mn буюу үл хөдлөх хөрөнгийн зуучлагч компани, брокер, үл хөдлөх хөрөнгийн агентуудад зориулсан систем.
2. www.ehurungu.mn буюу олон нийт, үл хөдлөх хөрөнгө худалдах, худалдан авах, түрээслэх, түрээслүүлэх, мөн үл хөдлөх хөрөнгөтэй холбоотой мэдээлэл авах сонирхогч талуудад зориулсан нийтэд нээлттэй систем
3. ehurungu гар утасны апп-аас бүрддэг. Тус системд одоогийн байдлаар 13 үл хөдлөх хөрөнгийн зуучлагч компани, 70 агент бүртгэлтэй байна.